عاوز ازرع فوق السطح

[ابو علوه]

السلام عليكم
بداية اشكر القائمين على هذا المنتدى الرائع من اعضاء واداره
انا لسه مبتدا
وعندى مساحه فوق السطح حوالى 4 فى 4 عاوز ازرعها
اهم حاجه عاوز اعرفها تكوين التربه ازاى
وبيتوفر عندى زبل ارانب فعاوز استغله
عاوز ازرع خضروات والرعايه ازاى
ولو فى رش مبيدات عشان الدود وكده وافات التى تضر النبات

وان شاء الله نستفاد من حضراتكم
وجزاكم الله الف خير


- -- - - تم تحديث المشاركة بما يلي - - - - - -

الوووووووووووووو
حد يعبرنا ياجماعه

مواضيع مشابهة:

• عاوز ازرع سرو ليمون من شجر عندي اعمل ايه
• ازرع ما تشاء دون تربه في اي غرفه من منزلك ونمو اسرع 50% وطبيعي
• [طلب]  عاوز مساعدكم فى حل ؟؟
• عاوز حد يساعدنى انا عاوز ازرع خس
• عاوز ازرع توت عشان يوفرلى غذاء دود قز .. ينفع ؟؟ طب ازاى ؟؟

[تسبيحة الفجر]

سهل جداً .. ممكن تشوف تجربة الأستاذ محمد سكر تفيدك بالتفصيل الممل

تركيبة التربة مختلفة في تركيبات كثير .. الي انا معتمداها مقدار بيتموس ونفسه من الكمبوست ونص هذا المقدار رمل وممكن تضيف شوووييية بودرة بلاط

المبيدات لا أعرف عنها شيئا لكنني جربت مبيد صنعته بنفسي طبيعي ومفعوله معي ممتاز

[ابو علوه]

ياريت تحكى عن المبيد الذى صنعتيه بنفسك وجزاكى الله خيرا

[احمد الباجورى]

السلام عليكم
يمكنك زيارة موقعنا
www.facebook.com/elfairouzlandscaping
ستجد البوم صور زراعة الاسطح الخاص بنا

[تسبيحة الفجر]

المبيد الذي صنعته:
4 فصوص ثوم
بصلة
4 قرون فلفل
رشة فلفل أسود (ليس مهماً)

قصصت الكل بقشرهم وبكل ما فيهم ووضعتهم في حلة وسكبت عليهم 1 لتر ماء وجعلتهم يغلون على نار هادئة
ولما بردوا تماما صفيتهم في زجاجة محكمة الإغلاق .. بعدين صرت آخذ ملعقة من هذا السائل أضيف علها لتر ماء وأحطهم في بخاخة وأرش بها النباتات

- -- - - تم تحديث المشاركة بما يلي - - - - - -

أنا أيضا لسى مبتدئة ويا رب أفيدك

إنت ممكن تبدأ بالورقيات لأنها سهلة جداً في الزراعة وبتتطلع بسرعة مثل الجرجير البقدونس النعناع (وده بالذات سهل جدا) الكزبرة الشبت .. كل الي حتحتاج تشتريه هو التربة والبذور أما الأصايص أو أواني الزراعة فممكن تستخدم حاجات موجودة معاك بسهووووووولة

[ابو علوه]

المبيد الذي صنعته:
4 فصوص ثوم
بصلة
4 قرون فلفل
رشة فلفل أسود (ليس مهماً)

قصصت الكل بقشرهم وبكل ما فيهم ووضعتهم في حلة وسكبت عليهم 1 لتر ماء وجعلتهم يغلون على نار هادئة
ولما بردوا تماما صفيتهم في زجاجة محكمة الإغلاق .. بعدين صرت آخذ ملعقة من هذا السائل أضيف علها لتر ماء وأحطهم في بخاخة وأرش بها النباتات

- -- - - تم تحديث المشاركة بما يلي - - - - - -

أنا أيضا لسى مبتدئة ويا رب أفيدك

إنت ممكن تبدأ بالورقيات لأنها سهلة جداً في الزراعة وبتتطلع بسرعة مثل الجرجير البقدونس النعناع (وده بالذات سهل جدا) الكزبرة الشبت .. كل الي حتحتاج تشتريه هو التربة والبذور أما الأصايص أو أواني الزراعة فممكن تستخدم حاجات موجودة معاك بسهووووووولة

معلش لانى مبتدا الصوره مش مكتمله فى ذهنى
المبيد لازم يكون سام بس المواد اللى حضرتك ذكرتيها مفيش فيها حاجه سامه وبناء على ايه فكرتى فى عمل هذا المبيد رغم انه لايحتوى على مادة سامه

[تسبيحة الفجر]

المواد الي فيه ليست سامة ولكنه نفاذة وحارقة بالنسبة للحشرات وفيها مضادات حيوية ومضادات أكسدة عالية وأنا جربتها تجريب مباشر ولقيت مجرد مجرد بس تلامس الحشرة بتموت في ثواني .. احنا بنعمله عشان نتجنب السموم الموجودة في المبيدات لأننا سنأكل هذه الثمرة
وممكن تضيف على الخليط الي قلت عليه الي لما غلينا الخضروات نصف ملعقة صابون

- -- - - تم تحديث المشاركة بما يلي - - - - - -

أي سؤال أو تساؤل أو حاجة محيراك اكتب سؤالك وكلنااااااااااا معاك بعون الله .. أنا بدأت من حوالي شهر ونص وكنت جاهلة بالزراعة تمااااام الجهل وليست عندي امكانيات للزراعة ولا أي شيء ولكني حققت نتائج جيدة بفضل الله .. ربي لك الحمد والشكر

أي شيء يمر في بالك شاركنا اياه وسنفكر سوياً وستنجح بإذن الله

[ابو علوه]

جزاكى الله الف خير
لماذا معلقة الصابون
والخليط لما احطه فى زجاجه محكمة الغلق يقعد فترة قد ايه وانا اخد منه واحطه ع ماء وارش به النبات
وبالنسبه لحفظ الخليط فى درجة حراره عاديه ولا ثلاجه
بالنسبه للتربه اى تربه تستخدمى
ونظام الرى
وكيفية الحمايه من العصافير والشمس والحراره والفئران
هل تستخدمى صوبا
اى المحاصيل ميعاده الان
معلش طولت فى الاسئله
وجزاكى الله الف خير

- -- - - تم تحديث المشاركة بما يلي - - - - - -

جزاكى الله الف خير
لماذا معلقة الصابون
والخليط لما احطه فى زجاجه محكمة الغلق يقعد فترة قد ايه وانا اخد منه واحطه ع ماء وارش به النبات
وبالنسبه لحفظ الخليط فى درجة حراره عاديه ولا ثلاجه
بالنسبه للتربه اى تربه تستخدمى
ونظام الرى
وكيفية الحمايه من العصافير والشمس والحراره والفئران
هل تستخدمى صوبا
اى المحاصيل ميعاده الان
معلش طولت فى الاسئله
وجزاكى الله الف خير

[تسبيحة الفجر]

لا أبداً مطولتش ولا حاجة اسأل براحتك خاااااااالص كلنا هنا إخوة

ملعقة الصابون (ملعقة صغيرة خاااااالص الي بنذوب بيها السكر في الكاسات) دي بتخلي الخليط يلزق في الورقة وكمان هيه نفسها مبيد حشري بس قوي عشان كده احنا بنحط منه شوية صغيرة خاااالص

بالنسبة للخليط أنا حطاه في درجة حرارة عادية ولحد دلوقتي مفيهوش مشاكل بس ممكن تحطه في الثلاجة لو حبيت

أما عن الحماية من العصافير والحيوانات فأنا ما عملتش حماية خالص وبعض المزروعات العصافير بتاكل فيها ههههههه بس قلت في نفسي دي بتعتبر صدقة مدام هي بس بتاكل في صنفين وسايبة لي الباقي (خلوقة عصافير قريتنا هههه) بس انت ممكن تحمي نباتاتك بأشياء بسيطة ومبتكرة انت تصنعها بنفسك من قماش أو أقفاص الفاكهة أو أي حاجة تانية ممكن نمخمخ مع بعض .. ممكن حتى شوالات البصل وكده

- -- - - تم تحديث المشاركة بما يلي - - - - - -

التربة الي بستخدمها أنا خليط من بيتموس وكمبوست ورمل .. بس مش شرط ده إنت ممكن تنزل تشوف ايه الي متوفر جنبك ونتشاور فيه بحيث توصل لخليط مناسب وده بيعتمد كمان على انت عاوز تزرع ايه

[ابو علوه]

بالنسبه للتربه اى تربه تستخدمى
ونظام الرى اى المحاصيل ميعاده الان

[تسبيحة الفجر]

مناسب جداً تبدأ بالورقيات أولها الجرجير عشان بيطلع بسرررررررعة والشبت والبقدونس والكزبرة ووووووو

مناسب دلوقتي الملوحية والباميا والفول والفول السوداني والطماطم والخيار والكوسة والبطيخ الكنتلوب والكوسا والخيار والشمام وحاجات تانية حشوفلك كمان

الري فيه ليه طريقة كويسة .. تغرز اصبعك في طرف الأصيص وتشوف لو جاف تسقي الأصيص ولو رطب تسيبه

التسميد ممكن تسمد بتفل القهوة والشاي (بعد ما نعمل القهوة والشاي مش بيفضل ورق وفتافيت وكده ؟ هو ده) بينعش النباتات جدا .. ممكن من دلوقتي تبدأ تجمعه .. حتى لو بتسلق بيض المية الي بتسلق بيها برضو هيه سماد ممتاز عشان فيها كالسيوم كتيييير

[ابو علوه]

جزاكى الله الف خير وبارك الله فيكى
وعن قريب باذن الله اطبق الزراعه باذن الله بصوره مصغره كبدايه
ربنا يوفق

[تسبيحة الفجر]

ممكن تدور على الصواني الفل الي بتتحط فيها الفاكهة أو اي حاجة مشابهة وتزرع فيها جرجير مثلا حتبقى بداية مفرحة .. وممكن من الآن تدور في البيت على بذور زي الحمص أو الفاصوليا أو اللوبيا وتنقعها في ماء لمدة يوم بعدين تلفها في ورقة كلينكس وتبلها بالمية وتحط الكلينكس جوى كيس بلاستيك أو كيس الشيبسي مثلا وتقفل عليها بالشريط اللاصف (سلوتايب) وتخبيها في مكان مظلم تحت السرير أو تحت الكنب لغاية ما تبدأ

- -- - - تم تحديث المشاركة بما يلي - - - - - -

وممكن تجيب أي علبة من البيت زي قارورة المية الكبيرة أو سطل بلاستيك عميق شوية أو أي شيء عميق شوية وتملاة رمل من أي مكان بس ميكونش البحر .. وتدور في البيت في البطاطس لازم حتلاقي حاجة طالع منها برعم أبيض كده تقصه وتزرعه لفوق حيديك محصول بطاطس يفرح القلب

- -- - - تم تحديث المشاركة بما يلي - - - - - -

قال الأستاذ أشرف أننا نستطيع أن نزرع --- الباميا - الباذنجان - الطماطم - الفلفل الحار( الشطه ) والفلفل الرومى - الكوسه - الخيار - البطيخ - الشمام - الكانتلوب ( القاوون ) - الكركديه - الملوخيه - الفاصوليا - اللوبيا - فول الصويا - الذره الشاميه والفيشار - السمسم - الفول السودانى - البطاطا - البطاطس - اليقطين - القلقاس

- -- - - تم تحديث المشاركة بما يلي - - - - - -

كتب الأستاذ أشرف:

اذا اردتى خليط خفيف الوزن وبدون تربه طينيه :-
2حجم بيتموس + 1 حجم كمبوست + 1حجم بيرليت + مقدار ملعقه صغيره npk + حفنه ( ملو اليدين ) بودرة البلاط .
وهذا الخليط يكون خفيف الوزن جدا . ويصلح لزراعة البذور والعقل وايضا النباتات .
--- واذا لم يشكل الوزن مشكله فهذا خليط ثقيل الوزن :-
=== 2حجم بيتموس + 1حجم كمبوست + 1حجم رمل + ملعقه صغيره npk + حفنه من بودرة البلاط .
=== 1.5 حجم بيتموس + 1.5 حجم كمبوست + 1حجم رمل + ملعقه صغيره npk + حفنه من بودرة البلاط .
يفضل فى تقدير الحجم استعمال الدلو ( السطل )
--- هذا الخليط يكون ثقيل الوزن . ويصلح لزراعة البذور والعقل وجميع النباتات وحتى الاشجار ومعروف طبعا رمل البناء النظيف ( الرمل أوالبيرليت بديلان لهما نفس الدور فى الخليط ) كما ان بودرة البلاط هى مركب كيماوى يسمى كربونات الكالسيوم وتأكدى انها هى المستخدمه فى ملو الفراغات بين البلاطات .
--- الاسمده ليس شرطا اساسيا اضافتها واذا اضفتى الnpk فلا تضيفى اى اسمده كيماويه اخرى ولا تسمدى حتى تنمو النباتات وتسمدى حسب احتياجها .

إقرأ المزيد: خليط تربة الزراعه - الصفحة 4 http://f.zira3a.net/t35464-4#ixzz2OVWzeLvJ

[ابو علوه]

بالنسبه لمبيد التوم والبصل
انا لقيت الكلام ده فى المنتدى


- محلول الثوم: نقوم بتقطيع 3 فصوص من الثوم تقطيعا ناعما ثم نضيف إليها نصف لتر من الماء. نضيف بعدها للخليط ملعقة كبيرة من الصابون المبشور حتى يلتصق البخاخ على النبات و نتركه منقوعا لمدة 24 ساعة. بإمكاننا أيضا إضافة قرنين من الفلفل الحار والبصل إلى فصوص الثوم. يعمل هذا المحلول على إبادة حشرات المن و بعض الحشرات التي تهاجم الكرنب (الملفوف), و الكوسا, كما أظهرت بعض الدراسات فعالية محلول الثوم في معالجة الأمراض الفطرية التي تصيب النبات. و بهدف الرش يتم تخفيف المحلول عن طريق إضافته إلى الماء بمعدل ملعقتين من المحلول لكل ليتر من الماء.
كيفية الإستخدام: يتم رش محلول الثوم على أوراق النباتات المصابة بأمراض. هناك بعض النباتات الزينيّة التي تتأذى من محلول الثوم, لكن طالما لا تجد أي ضرر ناتج عن المحلول, عاود الرش بعد أسبوع للتأكد من القضاء على الحشرات نهائيا.

و من الطرق الأخرى التي يمكننا من خلالها التقليل من وطئة الحشرات على مزروعاتنا هي:

الطريقة الأولى: تُطلى مجموعة ألواح خشبية أو ألواح كرتون باللون الأصفر (اللون الأصفر يجذب الحشرات) و بغراء أو أية مادة لاصقة، ومن ثم نقوم بتوزيعها بين المحاصيل المصابة بهدف الإمساك بالحشرات.
الطريقة الثانية: وضع أوعية صفراء (اللون الأصفر يجذب الحشرات) بداخلها ماء، حيث أن المن سرعان ما ينجذب لوعاء الماء يغرق فيه، ولمنع تكاثر البعوض يمكننا وضع القليل من الزيت مع الماء.

السؤال الصابون المبشور هل يمكن يستبدل بمعلقه صغيره من الصابون السايل
حجم المعلقتين من المحلول اللى هنخففهم بالماء يعادل كم سنتى تقريبا
ورش المبيد بيكون كل قد ايه ولو مفيش اصابه ينفع للوقايه

[روحي الورد]

السلام عليكم
اخي الزراعة بالسطح تحتاج الى عناية خاصة من تربة وسقي مستمر لانها تتعرض لاشعة الشمس مباشرة
مع وجوب التغطية